बैंकहरुको खुद नाफा, EPS का साथै खराब कर्जा कति पुग्यो ?

२० वटै वाणिज्य बैंकहरुले गत आर्थिक वर्ष २०७९/८० को चौथो त्रैमाससम्मको अपरिष्कृत वित्तीय विवरण प्रकाशित गरेका छन् । चौथो त्रैमाससम्म आइपुग्दा वाणिज्य बैंकहरुले ७० अर्ब १७ करोड ५८ लाख रुपैयाँ खुद नाफा आर्जन गरेका छन् । यो अघिल्लो वर्षको यसैअवधिको तुलनामा २४.९३ प्रतिशतले बढी हो । अघिल्लो वर्षको यसैअवधिमा यसले ५६ अर्ब १७ करोड २३ लाख रुपैयाँ खुद नाफा आर्जन गरेका थिए । 

यसअवधिमा सात अर्बभन्दा बढी नाफा कमाउनेमा नबिल बैंक र ग्लोबल आइएमई बैंक रहेका छन् ।  नबिल बैंकले ७ अर्ब ५२ करोड ७१ लाख नाफा आर्जन गरेको छ भने दोस्रोमा ग्लोबल आइएमई बैंकलेले ७ अर्ब २५ करोड ३४ लाख नाफा कमाएको छ । नबिल बैंक एकै वर्षमा ७६.८६ प्रतिशतले नाफामा बढ्ढोत्तरी गर्नेमा पनि पहिलो स्थानमा रहेको छ ।

त्यस्तै चार अर्बभन्दा बढी नाफा आर्जन गर्नेमा तीन वटा वाणिज्य बैंकहरु क्रमस् नेपाल नेपाल इन्भेष्टमेन्ट मेगा बैंक, एनआइसी एशिया बैंक र राष्ट्रिय वाणिज्य बैंक रहेका छन् । यसैगरी तीन अर्ब भन्दा बढी मुनाफा आर्जन गर्नेको सूचिमा सात वटा वाणिज्य बैंक क्रमस् एभरेष्ट बैंक, स्ट्यान्डर्ड चार्टड बैंक, हिमालयन बैंक, एनएमबि बैंक, नेपाल बैंक, कृषि विकास बैंक र सिद्धार्थ बैंक रहेका छन् ।

दुई अर्बभन्दा बढि मुनाफा कमाउनेको सूचिमा ६ वटा वाणिज्य बैंकहरु क्रमस् सानिमा बैंक, सिटिजन्स बैंक, प्रभु बैंक, लक्ष्मी सनराइज बैंक, नेपाल एसबीआई बैंक र प्राइम कमर्सियल बैंक रहेका छन् । त्यस्तै १ अर्ब भन्दा बढी नाफा आर्जन गर्नेमा कुमारी बैंक र माछापुच्छ्रे बैंक रहेका छन् ।

त्यस्तै चार अर्ब भन्दा बढी वितरणयोग्य मुनाफा कमाउनेमा एनआसी एशिया बैंक र एभरेष्ट बैंक रहेका छन् । सबैभन्दा बढी एनआइसी एशिया बैंकको वितरणयोग्य मुनाफा मात्र ४ अर्ब ९१ करोड ७१ लाख रुपैयाँ र एभरेष्ट बैंकको वितरणयोग्य मुनाफा ४ अर्ब ३३ करोड ३२  लाख रुपैयाँ रहेको छ। प्रतिशेयर लाभांश वितरण गर्न सक्ने क्षमताको आधारमा एभरेष्ट बैंक पहिलो नम्बरमा परेको छ । एभरेष्ट बैंकले प्रतिशेयर ४० रुपैयाँ ५० पैसा नाफा वितरण गर्न सक्ने क्षमता रहेको छ। दोस्रोमा एनआइसी एशिया बैंक रहेको छ बैंकको प्रतिशेयर ३१ रुपैयाँ ९९ पैसा नाफा वितरण गर्न सक्ने क्षमता रहेको छ। ऋणात्मक लाभांस वितरण क्षमता हुनेमा भने हिमालयन बैंक र कुमारी बैंकको रहेका छन् ।

खराब कर्जा धेरै हुने वाणिज्य बैंकहरुमा कुमारी बैक रहेको छ जसको खराब कर्जा ४.७७ प्रतिशत रहेको छ । सबैभन्दा कम खराब कर्जा हुने बैंक भने एभरेष्ट बैंक परेकोको छ जसको खराब कर्जा ०.७९ प्रतिशत मात्र रहेको छ । 
त्यसैगरी प्रति शेयर आन्दानी (Earning Per Share- EPS) बढी हुनेमा एनआइसी एशिया बैंक रहेको छ सजको भउक मात्र ४० रुपैयाँ २२ पैसा रहेको छ । सबैभन कम EPS हुनेमा भने कुमारी बैंक रहको छ जसको EPS सात रुपैयाँ ४६ पैसा मात्र रेहेको छ ।

हेर्नुहोस् असार मसान्तसम्म कुन बैंकको खुद नाफा, वितरणयोग्य नाफा, EPS का साथै खराब कर्जा कति पुग्यो ?