कुमारी बैंकको वितरणयोग्य नाफा ८४ करोड ८३ लाख ऋणात्मक, खराब कर्जा बढेर ४.७७ प्रतिशत पुग्यो -Q4 Report

कुमारी बैंकले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार बैंकले गत आर्थिक वर्षको असार मसान्तसम्ममा १ अर्ब ९५ करोड ७१ लाख रुपैयाँ खुद नाफा कमाएको सूचना प्रकाशित गरेको छ। यो अघिल्लो आर्थिक वर्षको सोही अवधिको तुलनामा २४.१४ प्रतिशत कम हो। अघिल्लो आर्थिक वर्षको सोही अवधिसम्ममा बैंकले २ अर्ब ५७ करोड ९८ लाख रुपैयाँ  खुद नाफा कमाएको थियो।

असार मसान्तसम्ममा बैंकको वितरणयोग्य मुनाफा ८४ करोड ८३ लाख ऋणात्मक रहेको छ। बैंकको खराब कर्जा बढेर ४.७७ प्रतिशत पुगेको छ ।  समीक्षा अवधिमा बैंकको कर्जा लगानी ७७.३५ प्रतिशत बढेको छ।