फागुन १६ गते बुधबार, फाल्गुन कृष्णपक्ष चतुर्थी तिथि
मेष
आज तपाईंलाई विभिन्न अवसर प्राप्त हुनेछन् र मनग्गे लाभ हुनेछ । रोकिएका कामहरु बन्नेछन्।
वृष
आज तपाईंको रोकिएका काम बन्नुका साथै नयाँ काम प्रारम्भ हुनेछ । व्यापारमा प्रशस्त फाइदा हुनेछ ।
मिथुन
आज तपाईंको काममा रहेका प्रशासनिक समस्याहरु हट्ने र आफन्त वा साथीभाईबाट सहयोग मिल्न सक्छ।
कर्कट
आज तपाईं विना कारण अन्य क्षेत्रमा व्यस्त हुँदा व्यापारमा व्यावसायमा घाटा हुनेछ ।
सिंह
आज तपाईंलाई व्यापार, साँझेदारी र सट्टापट्टामा लाभ मिल्नेछ । श्रमको उचित मूल्यांकन हुनेछ । सञ्चित धनको उपयोगले फाइदा हुनेछ ।
कन्या
आज तपाईंको व्यापार व्यवसायबाट राम्रो आम्दानी राम्रो हुनेछ भने खर्च पनि नियन्त्रणमा रहनेछ।
तुला
आज तुला राशिले अरूलाई प्रभावित पारेर काम बनाउन सकिने समय छ । विगतको श्रमबाट प्रशस्त धन लाभ हुनेछ ।
वृश्चिक
आज तपाईंको लेनदेनको क्षेत्र कमजोर रहन सक्छ भने व्यापार व्यवसायमा सन्तोषजनक प्रगति हुनेछ ।
धनु
आज धनु राशिलाई पैतृक सम्पत्तिबाट लाभ मिल्नेछ । व्यापारमा पनि प्रशस्त फाइदा हुनेछ ।
मकर
आज मकर राशिका व्यक्तिहरुले नयाँ काम गरी आम्दानीका स्रोत बढाउन सक्नेछ्न् ।
कुम्भ
आज कुम्भ राशिका व्यक्तिहरुले सामाजिक काम गरेर धन र मानसम्मान प्राप्त गर्न सक्ने समय रहेको छ ।
मीन
आज मीन राशिका व्यक्तिहरुको लाभ हानी दुवै बराबर हुनेछ । व्यापार व्यवसाय पनि सोचेजस्तो हुने छैन ।
____
वि. सं. २०८० साल फागुन महिनाको मासिक राशिफल
मेष
यो महिना तपाईंको राशिबाट एघारौँ राशिमा सूर्य रहने भएकाले कार्य प्राप्तिका साथै पदोन्नतिका अवसर पनि मिल्नेछन् । आर्थिक उन्नति हुनेछ । कार्यमा सफलता मिल्नेछ । सुखद् यात्राका अवसर पनि प्राप्त हुनेछन् । व्यवसायमा वृद्धि हुनेछ ।तपाईंका बहुप्रतीक्षित महत्त्वाकाङ्क्षा सिद्ध हुनेछन् । सरकारी ओहोदाका विशिष्ट व्यक्तिहरूको सहयोग जुटाउन सकिन्छ । सरकारी कामबाट फाइदा हुनेछ ।
वृष
फाल्गुन महिनामा तपाईंको राशिबाट सूर्यले दसौं घरको यात्रा गर्नेछ । सूर्यको प्रभावले व्यापार र नोकरीका माध्यमबाट लाभ मिल्नेछ । कार्य गर्ने अवसर प्रशस्त मिल्नेछन् । व्यवसायमा वृद्धि हुनेछ । वाणिज्य क्षेत्रबाट विशेष उन्नति हुनेछ । पारिवारिक साथ सहयोग मिल्नेछ । भौतिक वस्तु लाभदायी रहनेछन् । आमदानीका स्रोत बढ्नुका साथै कार्य गर्ने उत्साह मनमा जागृत हुने देखिन्छ ।
मिथुन
फाल्गुन महिनामा तपाईंको राशिबाट सूर्यले नवौं घरको यात्रा गर्नेछ । परिणामतः मानसम्मान र प्रतिष्ठामा वृद्धि हुन सक्छ र विदेश यात्रा वा वैदेशिक प्रयोजनका कामबाट फाइदा हुनेछ । विश्वासको वातावरण बन्नाले व्यावसायिक एवं रोजगारीका क्षेत्रमा सफलता आर्जन हुनेछ । धनार्जनका दृष्टिले राम्रै समय छ । तपाईंको कुनै महत्त्वपूर्ण चिजबिज हराउने वा नाश हुने खतरा हुन्छ । वरिष्ठ व्यक्ति वा सत्तामा रहेका अधिकृतसँग सम्बन्ध बिग्रन सक्छ । लेनदेनको कारोबारमा हानि पुग्ने सङ्केत पनि छ ।
कर्कट
तपाईंको राशिबाट आठौं सूर्यको प्रभावले यो महिना त्यति लाभप्रद महिना देखिंदैन ।शङ्कास्पद कारोबार र क्रियाकलाप सहभागी नबन्नु राम्रो हुनेछ । हडबडी र शीघ्रताका साथमा गरिएको काममा कुनै लाभ मिल्नेछैन । साझेदार वा सहयोगीले होच्याउने प्रयास गर्नेछन् । अरुले गरेको अनुत्तरदायी क्रियाकलाप र असफलताका कारण चिन्तित बन्नुपर्ने छ । अनावश्यक आरोपका कारण सजाय भोग्नु पर्छ । समग्रतामा यो महिना त्यत्ति लाभकारक समय देखिंदैन ।
सिंह
यो महिना सूर्यले तपाईंको राशिबाट सातौँ राशिको यात्रा गर्ने गर्नेछ, जसले गर्दा तपाईंको आत्मविश्वासको मात्रा बढ्ने छ । नोकरी र व्यापारमा उत्साहवद्र्धक परिणाम प्राप्त हुन्छ । नयाँनयाँ उद्योगधन्दा र व्यवसायको प्रारम्भ हुने वा नयाँ रोजगारीको सङ्केत छ । आम्दानीको मात्रा बढ्ने छ । तर व्यवसायिक साझेदारसँग मतभेद बढ्ने समय पनि हो । कार्यक्षेत्रमा एक्लै खटेर मिहिनेत गर्नुपर्ने परिस्थिति छ, नजिकका साथीभाइ र कामदारले धोका दिनसक्छन् ।
कन्या
फाल्गुन महिनामा सूर्यले तपाईंको राशिबाट छैटौं राशिको यात्रा गर्ने भएकाले मानसम्मान र प्रतिष्ठामा वृद्धि हुनेछ । नोकरी र व्यायसायिक जीवनमा सुधार आउने छ । प्रतिष्ठा र पदोन्नतिको सम्भावना छ । मुद्दामामिला वा सरकारी काममा सफलता मिल्नेछ । तर महिनाको अन्तिममा उधारोमा गएको धन फिर्ता नहुन सक्छ, खर्च नियन्त्रणभन्दा बाहिर हुनेछ । शत्रु र प्रतिस्पर्धीले प्रतिष्ठा बिगार्ने प्रयास गर्नेछन् ।
तुला
यो महिना सूर्यले तपाईंको राशिबाट पाँचौ राशिको यात्रा गर्ने भएकाले शुभ परिणाम पाउने समय रहेको देखिन्छ । मनमा ठूलो उत्साह र उमङ्गको सिर्जना हुनेछ । आम्दानीमा वृद्धि हुनेछ, तर महत्त्वाकाङ्क्षामा निरन्तर बृद्धि भइरहनाले असन्तुष्टिको पारो समेत बढ्ने परिस्थिति बन्ने समय छ । पढाइलेखाइ र बौद्धिक क्रियाकलापका लागि उचित समय छ । आकस्मिक यात्राको अवसर आउन सक्छ ।
वृश्चिक
यो महिना सूर्यले तपाईंको राशिबाट चौथों राशिको यात्रा गर्ने भएकाले यो महिना सामान्य रहेको छ। व्यवसाय वा नोकरीको सन्दर्भमा वा वैदेशिक प्रयोजनको काममा घरबाहिर जानु पर्ने परिस्थिति बन्नेछ । यो समय कडा मिहिनेत र परिश्रम गर्ने महिना हो । निरन्तर गरिएको कष्टप्रद परिश्रमका कारण छिटै थाकिन्छ र कार्य क्षमतामा समेत कमी आउने छ । आर्थिक दृष्टिकोणले धनसम्पत्तिको सञ्चय गर्ने मानसिकता बन्नेछ, पदप्रतिष्ठामा अभिबृद्धि हुनेछ र आम्दानीका मार्गहरू पनि बढ्ने छन् ।
धनु
यो महिना सूर्यले तपाईंको राशिबाट तेश्रो राशिको यात्रा गर्ने भएकाले पराक्रम र प्रसिद्धिमा वृद्धि हुनेछ । यात्रा फलदायी सिद्ध हुनेछ। आफन्त र दाजुभाइबाट लाभ मिल्नेछ । सामाजिक र परोपकारी काममा सहयोग लिन/दिन सकिनेछ । लक्ष्यप्राप्तिका लागि कडा मिहिनेत गर्ने समय आएको छ । आकस्मिक रूपमा धनप्राप्तिको सम्भावना समेत छ ।
मकर
यो महिना सूर्यले तपाईंको राशिबाट दोस्रो राशिको यात्रा गर्ने भएकाले प्रतिभा, दक्षता र योग्यता प्रदर्शन गर्नाले राम्रो परिणाम प्राप्त हुनेछ । सम्मान प्राप्त हुने र ख्याति बढ्ने समय छ । तपाईंभित्र धनसम्पत्तिको सञ्चय गर्ने मानसिकता बन्नेछ । नोकरी र कार्यक्षेत्रमा सन्तोषजनक परिणाम प्राप्त हुनेछ । धनागम हुनेछ । उच्चपदस्थ व्यक्ति र राज्यपक्षबाट रोकिएका काम निर्बाध सम्पन्न हुनेछन् ।
कुम्भ
यो महिना सूर्य तपाईंको राशिमा रहने भएकाले यो महिना धनधान्यमा वृद्धि हुनेछ, यस अवधिमा धनसम्पत्ति र सुखसुविधा आर्जन गर्ने पक्षमा आकर्षित रहनुहुनेछ । आत्मविश्वासको सिर्जना हुनेछ । सार्वजनिक क्षेत्र अथवा सरकारको कुनै महत्त्वपूर्ण जिम्मेबारी प्राप्त हुनसक्छ । छोटो दूरीको यात्रा हुने सम्भावना छ । सामाजिक सङ्घसंस्था वा परोपकारका क्षेत्रमा सहयोग गर्नु पर्नेछ ।
मीन
यो महिना सूर्य तपाईंको राशिबाट बाह्रौ रहने भएकाले गलत निर्णयका कारण अकल्पनीय हानि हुनसक्छ, त्यसैले कुनै निर्णय लिनुपूर्व राम्रो सोचविचार गर्नु आवश्यक छ । खर्चमा अचानक वृद्धि हुनेछ । धनमाल हराउने वा चोरी हुने सम्भावना पनि हुन्छ । अनावश्यक यात्राको योग छ र यात्राका क्रममा झमेला व्यहोर्नु पर्ने हुन्छ ।
_________Read More_______________
युरोपेली देशहरूमा एटिएम (ATM) बन्द हुँदै
सुनको मूल्य कसरी निर्धारण हुन्छ र नेपालमा किन सुनको मूल्य घटबढ भइरहन्छ ?
- बैंकहरुको वित्तीय साक्षरता कार्यक्रम राष्ट्र बैंकका मार्गदर्शन परिपालनाका लागि मात्र
- ऋण तिर्नकै लागि किन ऋण लिन्छन् ऋणीहरु?
- वित्तीय साक्षरतामा सञ्चालकहरु नै अनभिज्ञ
- वित्तीय पहुँचबाट बाहिर रहेका समुदायमा केन्द्रित रहेर वित्तीय साक्षरता प्रवाह गरिराखेका छौँ – ढकाल
- शैक्षिक पाठ्यक्रममा वित्तीय शिक्षा अपरिहार्य छ - प्रणिता शर्मा बराल
- Financial literacy programs reduce risk and promote positive changes in society
