चिरख्वा हाइड्रोपावरको IPO निष्काशन तथा बिक्री खुलाबारे सूचना

चिरख्वा हाइड्रोपावरले आज अर्थात साउन २८ गतेदेखि आईपीओ निष्काशन तथा बिक्री खुला गर्ने सूचना प्रकाशित गरेको छ । कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागि आईपीओ निष्काशन गर्न लागेको हो।
कम्पनीले जारी पूँजी ४० करोड रुपैयाँको १० प्रतिशत अर्थात ४ करोड रुपैयाँ बराबरको प्रतिशेयर १०० रुपैयाँ दरका चार लाख कित्ता साधारण शेयर आयोजना प्रभावित क्षेत्रका स्थानिय बासिन्दाहरुका लागि निष्काशन गर्न लागेको सूचनामा उल्लेख गरेको छ । सो शेयरका लागि भोजपुर जिल्लाका स्थानिय बासिन्दाहरुले न्यूनतम १० कित्ताका लागि आवेदन दिन सक्नेछन, भने वैदेशिक रोजगारीमा रहेका नेपालीहरुले अधिकतममा ५ हजार कित्ता शेयरका लागि आवेदन दिन सक्नेछन्।

आयोजना प्रभावित क्षेत्रका स्थानिय बासिन्दाहरुका लागि निष्काशन बन्द छिटोमा भदौ १० गते र ढिलोमा भदौ २५ गते हुनेछ भने वैदेशिक रोजगारीमा रहेका नेपालीहरुले भने भदौ १० गतेभित्र आवेदन दिन सक्ने कम्पनीले सूचनामा उल्लेख गरेको छ।