वाणिज्य बैंकहरुको कात्तिक १ गतेबाट नयाँ ब्याजदर लागु, हेर्नुहोस् कुन बैंकको कुन खातामा कति पुग्यो?

वाणिज्य बैंकहरुले कात्तिक एक गतेदेखि लागु हुने गरी नयाँ ब्याजदरको सूचना प्रकाशित गरेका छन्।  २० वटा वाणिज्य बैंकमध्ये १४ वटा बैंकले व्यक्तिगत मुद्दति निक्षेपको अधिकतम् ब्याजदर घटाएका छन् । चार वटा बैंकले भने असोजकै ब्याजदरलाई निरन्तरता दिएका छन् भने दुइ वटा बैंकले बढाएकाछन् । 

अघिल्लो महिनाको तुलनामा अधिकतम १० प्रतिशत मात्रै ब्याजदर घटाउन वा बढाउन पाउने नियमकारी व्यवस्था रहिआएको छ । असाेज महिनामा व्यक्तिगत मुद्दतीको अधिकतम ११.०५४ प्रतिशतसम्म ब्याजदर पुगेकोमा कात्तिकमा भने ११.००३ प्रतिशतमा झरेको छ । व्यक्तिगतभन्दा संस्थागत मुद्दतीमा २ प्रतिशत विन्दु कम ब्याज हुनुपर्ने प्रावधान र रेमिट्यान्स मुद्दतीमा व्यक्तिगत मुद्दतीमाभन्दा १ प्रतिशत विन्दु बढी ब्याज दिन सक्ने नियमकारी व्यवस्था रहिआएको छ ।

२० वटा वाणिज्य बैंकहरुको ब्याजदरको सूचनानुसार हिमालयन बैंक, एनआईसी एशिया बैंक र एनएमबि बैक ११.००३ प्रतिशत, नेपाल एसविआई बैंकले १०.७ प्रतिशत, प्राइम कमर्सियल बैंकले  १०.२५ प्रतिशत,  नेपाल इन्भेष्टमेन्ट मेगा बैंक र कुमारी बैंकले व्यक्तिगत मुद्दती निक्षेपमा १०.०१ प्रतिशत ब्याजदर तोकेका छन् । सबैभन्दा कम ब्याजदर कायम गर्नेमा स्ट्यान्डर्ड चार्टर्ड बैंक रहेकाे छ, जसकाे व्यक्तिगत मुद्दती निक्षेपमा ९.२२ प्रतिशत ब्याजदर रहेकाे छ ।

हेर्नुहोस् वाणिज्य बैंकहरुको कात्तिक १ गतेबाट लागु हुने नयाँ ब्याजदर, कुन बैंकको कति ?