मुक्तिनाथ कृषि कम्पनी लिमिटेडले कात्तिक १० गतेदेखि पहिलो चरणमा नेपाल सरकारको सम्बन्धित निकायबाट श्रम स्वीकृती प्राप्त गरी वैदेशिक रोजगारीमा रहेका नेपालीहरुका लागि आइपीओ निष्काशन तथा बिक्री खुल्ला गरेको हो ।
कम्पनीले धितोपत्र बोर्डबाट १४ करोड रुपैयाँ बराबरको १४ लाख कित्ता शेयर निष्काशन गर्ने अनुमति पाएको थियो। कम्पनीले पहिलो चरणमा सोको १० प्रतिशतले हुन आउने १ लाख ४० हजार कित्ता शेयर वैदेशिक रोजगारीमा रहेका नेपालीहरुका लागि निष्काशन गर्न लागेको हो ।
कम्पनीको आइपीओमा वैदेशिक रोजगारीमा रहेका नेपालीहरुले न्यूनतम १० कित्तादेखि अधिकतम १ हजार कित्ताका लागि कात्तिक २४ गतेसम्म आवेदन दिन सक्नेछन्।
मुक्तिनाथ कृषि कम्पनी लिमिटेडको आइपिओमा नेपाल धितोपत्र बोर्डबाट स्वीकृति प्राप्त गरेका सि–आस्बा सदस्य बैंक तथा वित्तीय संस्थाहरु र तिनका शाखा कार्यालयहरु तथा मेरो शेयर सफ्टवेयर प्रयोग गरी सि–आस्बा प्रणाली मार्फत पनि आवेदन दिन सकिने कम्पनीले जनाएको छ ।
Published by NIMB Ace Capital on 2080-7-10
