नेपाल राष्ट्र बैंकले मौद्रिक नीतिको तेस्रो त्रैमासिक समिक्षा आज अर्थात शुक्रबार सार्वजनिक गरेको छ। नेपाल राष्ट्र बैंकले बैंकदरलाई घटाएर मौद्रिक नीतिको कार्यदिशालाई केही लचिलो बनाएको छ ।
सरकारी धितोपत्रहरूको सुरक्षणमा केन्द्रीय बैंकले बैक तथा वित्तीय संस्थालाई अन्तिम ऋणदाता सुविधाको रुपमा प्रदान गरिने ऋणमा लिने ब्याजदर अर्थात बैंकदरलाई ८.५ प्रतिशतबाट घटाएर ७.५ प्रतिशत कायम गरेको छ । बैंक दर घटेपछि अब ब्याजदर पनि क्रमशः घट्दै जानेछ । यद्यपि, मौद्रिक नीतिमा सेयर बजारलाई प्रत्यक्षरुपमा सम्बोधन त गरिएको छैन । तर बैंक दर घटाउनु भनेको समग्रमा ब्याजदर घट्दै जानु हो । ब्याजदर घट्दै जाँदा सेयर बजारमा पनि क्रमशः सकारात्मक प्रभाव पर्ने देखिन्छ ।
यसैगरी, बैंक तथा वित्तीय संस्थाहरुबाट जारी भएका ऋणपत्रहरुलाई कर्जा–निक्षेप अनुपात गणना गर्ने प्रयोजनको लागि स्रोत ९निक्षेप० को रुपमा समेत गणना गर्न पाउने विद्यमान व्यवस्थालाई २०८० पुस मसान्तसम्म समय दिइएको छ ।
चालु आर्थिक वर्षको मौद्रिक नीतिको तेस्रो त्रैमासिक समीक्षा सार्वजनिक (पूर्णपाठ सहित)
Published by Nepal Rastra Bank on 2080-1-29
View More by Nepal Rastra Bank
