कुमारी बैंकको वितरणयोग्य नाफा नोक्सानीबाट १४.७२ करोडमा फर्कियो, सञ्चालन नाफा ३२.४० प्रतिशतले बढ्यो -

काठमाडौं। कुमारी बैंक लिमिटेडको वितरणयोग्य नाफा आर्थिक वर्ष २०८३/८४ को पहिलो त्रैमास असोज मसान्तसम्ममा १४.७२ करोड रुपैयाँ सकारात्मक भएको छ। अघिल्लो वर्षको सोही अवधिमा बैंकको कुल वितरणयोग्य नोक्सानी ३९१.९९ करोड रुपैयाँ थियो। यो तथ्याङ्क नगद लाभांशबापत ५५.२१ करोड रुपैयाँ घटाइसकेपछिको हो।

बैंकले सार्वजनिक गरेको अपरिष्कृत वित्तीय विवरणअनुसार खुद नाफा १.७० प्रतिशतले बढेर १०७.४५ करोड रुपैयाँ पुगेको छ। अघिल्लो वर्ष यो १०५.६५ करोड रुपैयाँ थियो। कर्जा तथा अन्य नोक्सानी व्यवस्था ६४.४० प्रतिशतले घटेर ४४.९९ करोड रुपैयाँमा सीमित हुँदा खुद सञ्चालन आम्दानी ९.१८ प्रतिशतले बढेर ३२२.२१ करोड रुपैयाँ भएको छ। कर्मचारी खर्च १५.९७ प्रतिशतले घटेर ९१.६८ करोड रुपैयाँ पुगेको छ। यसबाट सञ्चालन नाफा ३२.४० प्रतिशतले बढेर १८८.५३ करोड रुपैयाँ भएको छ। खुद शुल्क तथा कमिसन आम्दानी ३.९० प्रतिशतले बढेर ८८.२४ करोड रुपैयाँ पुगेको छ।

पूँजीकोष अनुपात १२.५४ प्रतिशतबाट १२.६७ प्रतिशतमा र प्राथमिक पूँजी (Tier 1) तथा CET 1 अनुपात ८.५४ प्रतिशतबाट ९.१५ प्रतिशतमा सुधार भएको छ। कोषको लागत ४.२९ प्रतिशतबाट ३.४३ प्रतिशतमा झरेको छ।

असोज मसान्तमा निक्षेप ४२८.३४ अर्ब रुपैयाँ (असार मसान्तको तुलनामा ६.३६ प्रतिशतले बढी) र ग्राहक कर्जा २९३.१० अर्ब रुपैयाँ (७.६९ प्रतिशतले बढी) पुगेको छ। कुल सम्पत्ति ६.३० प्रतिशतले बढेर ५२२.६८ अर्ब रुपैयाँ भएको छ। वार्षिकीकृत प्रतिशेयर आम्दानी (EPS) १६.३९ रुपैयाँ (अघिल्लो वर्ष १६.११), प्रतिशेयर नेटवर्थ १७२.३१ रुपैयाँ र P/E अनुपात १४.५५ छ।

तर निष्क्रिय कर्जा अनुपात ६.९८ प्रतिशतबाट ८.७२ प्रतिशत पुगेको छ। खुद ब्याज आम्दानी २८.१९ प्रतिशतले घटेर २०९.१३ करोड रुपैयाँ भएको छ।