काठमाडौं। कृषि विकास बैंक लिमिटेडले आर्थिक वर्ष २०८३/८४ को पहिलो त्रैमास असोज मसान्तसम्ममा १०.९२ करोड रुपैयाँ खुद नाफा आर्जन गरेको छ। अघिल्लो आर्थिक वर्षको सोही अवधिमा यो ५७.३९ लाख रुपैयाँ मात्र थियो। बैंकको सञ्चालन नाफा १५.६० करोड रुपैयाँ पुगेको छ, जबकि अघिल्लो वर्ष ६.३२ करोड रुपैयाँ सञ्चालन नोक्सानी थियो।
अपरिष्कृत विवरणअनुसार खुद शुल्क तथा कमिसन आम्दानी ५५.७४ प्रतिशतले बढेर ४७.९७ करोड रुपैयाँ पुगेको छ। कुल सञ्चालन आम्दानी ८.८६ प्रतिशतले बढेर २८८.७५ करोड रुपैयाँ भएको छ। कर्जा तथा अन्य नोक्सानी व्यवस्था २०.७९ प्रतिशतले घटेर ११५.९४ करोड रुपैयाँमा सीमित भएको छ।
वार्षिकीकृत प्रतिशेयर आम्दानी (EPS) ३.०५ रुपैयाँ (अघिल्लो वर्ष ०.१७), ROE १.३१ प्रतिशत (०.०७) र ROA ०.१० प्रतिशत (०.०१) पुगेको छ। निष्क्रिय कर्जा अनुपात ४.७९ प्रतिशत (अघिल्लो वर्ष ४.७८) र कुल कर्जा नोक्सानी व्यवस्था र निष्क्रिय कर्जाको अनुपात १०२.०५ प्रतिशत रहेको छ। असोज मसान्तमा निक्षेप ३४८.२८ अर्ब र ग्राहक कर्जा २५०.४३ अर्ब रुपैयाँ पुगेको छ, जुन असार मसान्तको तुलनामा क्रमशः ०.३० र १.३३ प्रतिशतले बढी।
Published by ADBL on 2083-7-15
