काठमाडौं - एनआईसी एशिया बैंकले चालु आ.व. २०८२/८३ वर्षकाे पहिलाे त्रैमासिक वित्तीय विवरण प्रकाशित गरेकाे छ । विवरण अनुसार बैंककाे सञ्चित नोक्सानी पहिलो त्रैमाससम्ममा ६ अर्ब २४ करोड ८२ लाख रुपैयाँ पुगेको छ। गत आर्थिक वर्षको असार मसान्तमा बैंकको सञ्चित नोक्सानी ५ अर्ब २१ करोड १८ लाख रुपैयाँ मात्र रहेकोमा चालु आर्थिक वर्षको पहिलो त्रैमासमा नै नोक्सानी १ अर्ब रुपैयाँभन्दा बढीले बढेको हो।
यस अवधिमा बैंककाे खराब कर्जामा बढ्ढाेत्तरी हुँदै ६.९९ प्रतिशत पुगेको छ । त्यस्तै ग्राहक कर्जा असोज मसान्तमा घटेर २ खर्ब १२ अर्ब २२ करोड रुपैयाँ पुगेको छ, जुन गत असार मसान्तमा २ खर्ब २४ अर्ब १२ करोड रुपैयाँ थियो। ब्याजदर अन्तर (स्प्रेड दर) ३.९९ प्रतिशत कायम रहे पनि खुद ब्याज आम्दानी घटेर २ अर्ब २८ करोड ६० लाख रुपैयाँमा सीमित भएको छ।
असोज मसान्तसम्ममा बैंकको पुँजीकोष अनुपात १४.०३ प्रतिशत, प्राथमिक पुँजीकोष ९.०३ प्रतिशत, खुद निष्क्रिय कर्जा १.७४ प्रतिशत, प्रतिशेयर आम्दानी (EPS) ३ रुपैयाँ २१ पैसा, प्रतिशेयर नेटवर्थ १९८ रुपैयाँ ७४ पैसा र मूल्य आम्दानी अनुपात (P/E Ratio) ९७.७३ गुणा रहेको छ। बैंकले केही वर्ष यता निरन्तर नाफा घटेको रिपोर्ट सार्वजनिक गर्दै आएको छ, जसमा खासगरी खराब कर्जा वृद्धि प्रमुख कारक भएको देखिन्छ।
Published by NIC Asia Bank on 2082-7-21
