सिटि होटलले भदौ २३ गतेदेखि ८० प्रतिशत हकप्रद शेयर निष्काशन गर्नेबारे सूचना -

सिटि होटल लिमिटेडले भदौ २३ गतेदेखि असोज १२ गतेसम्म हकप्रद शेयर निष्काशन गर्ने भएको छ। कम्पनीले हाल कायम चुक्ता पूँजीको ८० प्रतिशत बराबर १०:८ अनुपातमा हकप्रद शेयर निष्काशन गर्ने योजना बनाएको हो। यस अन्तर्गत कुल १ करोड ३३ लाख ९२ हजार कित्ता अंकित मूल्य रू. १०० का शेयर जारी गरिँदैछ, जसको कुल मूल्य करिब १ अर्ब ३३ करोड ९२ लाख रुपैयाँ हुनेछ। यस प्रयोजनका लागि कम्पनीले साउन २७ गते बुकक्लोज गरिसकेको छ, जसअनुसार साउन २६ गतेसम्म नेप्सेमा कारोबार भइ कायम भएका शेयरधनीहरूले मात्र आवेदन दिन सक्नेछन्।

बिक्री प्रबन्धक प्रभु क्यापिटल लिमिटेड तोकिएको छ भने लगानीकर्ताले प्रभु बैंकका तोकिएका शाखा, सि-आस्बा सदस्य बैंक तथा वित्तीय संस्था वा ‘मेरो शेयर’ प्रणाली प्रयोग गरी अनलाइनमार्फत पनि आवेदन दिन सक्नेछन्। हकप्रद निष्काशनपछि कम्पनीको चुक्ता पूँजी ३ अर्ब रुपैयाँ नाघ्नेछ र संकलित रकम ऋण भुक्तानीमा प्रयोग गरिनेछ।