स्ट्यान्डर्ड चार्टड बैंक लिमिटेडले गत आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरण प्रकाशित गरेको छ।
विवरण अनुसार बैंकले गत आर्थिक वर्षको असार मसान्तसम्ममा ३ अर्ब २ करोड ९३ लाख रुपैयाँ खुद नाफा कमाएको छ । अघिल्लो आर्थिक वर्षको सोही अवधिसम्ममा बैंकले ३ अर्ब २७ करोड ५२ लाख रुपैयाँ खुद नाफा कमाएको थियो ।
असार मसान्तसम्ममा बैंकको वितरणयोग्य मुनाफा १ अर्ब ९९ करोड ३३ लाख रुपैयाँ रहेको छ । जुन गत आर्थिक वर्षको सोही अवधिको तुलनामा २० प्रतिशतले कम हो । गत वर्ष बैंकको वितरणयोग्य मुनाफा २ अर्ब ४६ करोड १५ लाख थियो ।
विवरण अनुसार बैंकको प्रतिशेयर १९ रुपैयाँ ८५ पैसा नाफा वितरण गर्न सक्ने क्षमता रहेको छ । अर्थात बैंकको लाभांश क्षमता १९.८५ प्रतिशत रहेको छ ।
Published by Standard Chartered Bank on 2082-4-30
View More by Standard Chartered Bank
