काठमाडौं: चालु आर्थिक वर्षको पहिलो त्रैमाससम्म एनएमबि बैंकको खुद नाफा १८.९४% ले वृद्धि हुँदै १ अर्ब १४ करोड ५६ लाख ३ हजार रुपैयाँ पुगेको छ। अघिल्लो वर्षको यही अवधिमा बैंकले ९६ करोड ३२ लाख रुपैयाँ नाफा कमाएको थियो।
इम्पेयरमेन्ट चार्ज रिभर्स हुँदा नाफामा वृद्धि भएको हो; गत वर्षको ४८ करोड १ लाख रुपैयाँको इम्पेयरमेन्ट चार्ज असोज मसान्तसम्म ३ करोड ७० लाख रुपैयाँमा घटेको छ। यद्यपि, खुद ब्याज आम्दानी १०.४२% ले घटेर १ अर्ब ९९ करोड ७९ लाख रुपैयाँ पुगेको छ। असोज मसान्तसम्म, एनएमबि बैंकको चुक्ता पुँजी १८ अर्ब ३६ करोड ६७ लाख रुपैयाँ र जगेडा कोष १० अर्ब ८६ करोड ३० लाख रुपैयाँ रहेको छ। प्रतिसेयर आम्दानी ३ रुपैयाँ ९७ पैसाले वृद्धि भएर २४ रुपैयाँ ९५ पैसा पुगेको छ, र प्रतिसेयर नेटवर्थ १६४ रुपैयाँ ९५ पैसा छ।
Published by NMB Bank Limited on 2081-7-7
