आजदेखि ऋणपत्र बिक्री खुल्लाबारे स्टान्डर्ड चार्टर्ड बैंकको सूचना

स्टान्डर्ड चार्टर्ड बैंकले आज अर्थात माघ २६ गते बिहीबारदेखि २४ लाख इकाई ऋणपत्र बिक्री खुला गरेको सूचनामा प्रकाशित गरेको छ । कुल इकाईमध्ये १४ लाख ४० हजार इकाई बैंकले आफ्नै पहलमा अन्य संघसंस्थालाई बिक्री गर्ने भएको छ । बाँकी रहेको ९ लाख ६० हजार इकाईमध्ये ४८ हजार इकाई सामूहिक लगानी कोषलाई बाँडफाट गरिएको कम्पनीले सूचनामा उल्लेख गरेको छ । त्यस्तै बैंकले ९ लाख १२ हजार इकाई सर्वसाधारणका लागि खुला गरेको जनाएको छ । बैंकले प्रतिइकाई १ हजार रुपैयाँ दरमा कुल २ अर्ब ४० करोड रुपैयाँ बराबरको ऋणपत्र बिक्री खुला गरेको थियो ।