बैंकहरुको खुद नाफा ११.६७ प्रतिशत बढ्यो, कुन बैंकको नाफा, EPS साथै खराब कर्जा कति पुग्यो ?

हाल सञ्चालनमा रहेका २१ वटै वाणिज्य बैंकहरुले चालु आर्थिक वर्ष २०७९/८० को  तेस्रो त्रैमासको वित्तीय विवरण सार्वजनिक गरेका छन् ।  चालु आर्थिक वर्षको तेस्रो त्रेमास सम्ममा पाँच अर्बभन्दा माथी खुद नाफा आर्जन गर्नेमा नबिल बैंक रहेको छ । बैंकले गत आर्थिक वर्षको सोही अवधिको तुलनामा ५२.६३ प्रतिशत बढी नाफा कमाउन सफल भएको छ ।

यस अवधिमा ४ अर्बभन्दा बढी खुद नाफा आर्जन गर्नेमा ग्लोबल आइएमई र एनआईसी एशिया बैंक रहेका छन् । ग्लोबल आइएमईले तेस्रो त्रैमाससम्ममा ४ अर्ब ३५ करोड नाफा कमाएको छ भने एनआईसी एशियाको नाफा पनि ४ अर्बभन्दा बढी नाफा कमाएको छ।

त्यस्तै तीन अर्बभन्दा बढि नाफा आर्जन गर्नेमा राष्ट्रय वाणिज्य बैंक र नेपाल इन्भेष्टमेन्ट मेगा बैंक रहेका छन् । भने दूई अर्ब भन्दा बढी नाफा आर्जन गर्नेमा ४ वटा वाणिज्य बैंकहरु एभरेष्ट बैंक, स्ट्यान्डर्ड चार्टर्ड बैंक, एनएमबी बैंक र प्राईम बैंक रहेका छन् । 

हाल सञ्चालनमा रहेका २१ वटा वाणिज्य बैंकमध्ये ११ वटा बैंकले १ अर्बभन्दा बढी नाफा आर्जन गरेका छन् । सबैभन्दा कम नाफा भने कृषि विकास बैंकको रहेको छ। सो बैंकले चैत मसान्तसम्ममा १ अर्ब ४ करोड १० लाख रुपैयाँ खुद नाफा कमाएको छ।

सबैभन्दा बढी नाफा वृद्धिदर गर्नेमा भने एभरेष्ट बैंकको रहेको छ। बैंकको नाफा समीक्षा अवधिमा ६२.६३ प्रतिशत बढेको छ । त्यसैगरी, स्ट्याण्डर्ड चार्टर्ड बैंकको खुद नाफा ६०.२५ प्रतिशत बढेको छ भने नबिल बैंकको ५२.६३ प्रतिशत बढेको छ। त्यस्तै चालु आर्थिक वर्षको तस्रो त्रैमाससम्ममा ७ वटा वाणिज्य बैंकहरुको खुद नाफा गत आर्थिक वर्षको तेस्रो त्रैमासको तुलनामा घटेको छ। सबैभन्दा बढी कृषि विकास बैंकको नाफा सबैभन्दा बढी ४५.३६ प्रतिशत घटेको छ।

चालु आर्थिक वर्षको तेस्रो त्रैमास अर्थात चैत्र मसान्त सम्ममा वाणिज्य बैंकहरुको खुद नाफा ११.६७ प्रतिशत बढेको छ । गत आर्थिक वर्षको तेस्रो त्रैमाससम्ममा ४३ अर्ब ६१ करोड ३८ लाख रुपैयाँ खुद नाफा कमाएका वाणिज्य बैंकहरुले चालु आर्थिक वर्षको सोही अवधिसम्ममा ४८ अर्ब ७० करोड ४९ लाख रुपैयाँ खुद नाफा कमाएका छन्। अर्कोतर्फ सबै वाणिज्य बैंकहरुको खराब कर्जा अर्थात एनपीएल पनि बढेको छ । एद्यपी एनपीएल ५ प्रतिशत भन्दा कम हुनु राम्रो नै मानिन्छ । यसको अर्थ खराब कर्जा अनुपात अनुसार लाभांश वितरण गर्न भने कुनै पनि बैंकलाई कठिनाई नहुने देखिन्छ ।

हेर्नुहोस् चैत्र मसान्तसम्म कुन बैंकको खुद नाफा, EPS का साथै खराब कर्जा कति पुग्यो ?

हेर्नुहोस् वाणिज्य बैंकहरुको नयाँवर्ष अर्थात वैशाख १ बाट लागु भएको नयाँ ब्याजदर तालिका :