बैंकहरुको नाफा तीन अर्ब माथि, EPS, Base Rate र खराब कर्जाको साथै कर्जामा अधिकतम ब्याजदर कति ?

वाणिज्य बैंकहरुले दोस्रो त्रैमासको वित्तीय विवरण सार्वजनिक गरेका छन् ।  चालु आर्थिक वर्षको दोस्रो त्रेमास सम्ममा तीन अर्बभन्दा माथी खुद नाफा आर्जन गर्नेमा नबिल बैंक र एनआइसी एशिया बैंक रहेका छन् । यस अवधिमा २ अर्बभन्दा बढी खुद नाफा आर्जन गर्नेमा ग्लोबल आइएमई र राष्ट्रिय वाणिज्य बैंक रहेका छन् । त्यस्तै एक अर्ब भन्दा बढि नाफा आर्जन गर्नेमा ११ वटा र एक अर्ब भन्दा कम नाफा आर्जन गर्नेमा ४ वटा वाणिज्य बैंक रहेका छन् । घाटा व्यहोर्ने बैंकको सूचिमा कृषि विकास बैंक रहेको छ ।

मर्जरका कारण कुमारी बैंक लिमिटेड र नेपाल इन्भेष्टमेण्ट मेगा बैंक लिमिटेड बाहेकका २० वटा वाणिज्य बैंकहरुले मात्र वित्तीय विवरण सार्वजनिक गरेका छन् ।

चालु आर्थिक वर्षको दोस्रो त्रैमास अर्थात पौस मसान्तसम्ममा वाणिज्य बैंकहरुको चुक्ता पुँजी १४.७२ प्रतिशतले बढेर ३ खर्ब १० अर्ब ३६ करोड ९८ लाख २८ हजार रुपैयाँ पुगेको छ । त्यस्तै जगेडा कोष समग्रमा ३३.०९ प्रतिशतले बढेर १ खर्ब ९५ अर्ब ७ करोड १० लाख १६ हजार पुगेको छ ।  

सबैभन्दा धेरै नाफा कमाउनेमा नबिल बैंक रहेको छ । बैंकको यस यसअवधिमा नाफा ५६.६७ प्रतिशतले बढेर ३ अर्ब ४१ करोड ७६ लाख ९८ हजार रुपैयाँ पुगेको छ ।  खुद ब्याज आम्दानीमा पनि नबिल बैंक नै अगाडि रहेको छ जसको खुद ब्याज आम्दानी ८५.६३ प्रतिशतले बढेर ७ अर्ब ८३ करोड २९ लाख ५६ हजार रुपैयाँ पुगेको छ।

अर्कोतर्फ वितरणयोग्य नाफा र प्रतिसेयर आम्दानीमा भने एनआइसी एसिया बैंक अगाडी रहेको छ। यस अवधिसम्ममा एनआइसी एशियाको वितरणयोग्य नाफा ३३६.६४ प्रतिशतले बढेर ३ अर्ब ७५ करोड २४ लाख ५५ हजार रुपैयाँ पुगेको वित्तीय विवरण सार्वजनिक भएको छ । यस अवधिसम्म एनआइसी एशिया बैंकको प्रतिसेयर आम्दानी १५ रुपैयाँ ३४ पैसाले बढेर ५६ रुपैयाँ ७७ पैसा पुगेको छ । 

हेर्नुहोस् पौष मसान्तसम्म कुन बैंकको खुद नाफा,  प्रतिसेयर आम्दानी (EPS) कति ? कुन बैंकको कर्जामा कति छ अधिकतम ब्याजदर ?