लुम्बिनी विकास बैंक लिमिटेड (LBBL) को शेयरमूल्य समायोजन भएको छ। नेपाल स्टक एक्सचेञ्जमा बैंकको पुस २३ गते बुधबार गत आवको मुनाफाबाट प्रस्तावित बोनसमा शेयरमूल्य समायोजन भएको हो।
बैंकले गत आर्थिक वर्षको कमाईबाट लाभांश वितरण तथा साधारण सभा प्रयोजनार्थ बुकक्लोज गरेसँगै नेप्सेले शेयरमूल्य समायोजन गरी नयाँ शेयरमूल्य निर्धारण गरेको हो।
नेप्सेले बैंकको शेयरमूल्य समायोजन गरी प्रतिकित्ता १९४ रुपैयाँ २९ पैसा कायम गरेको छ।
बैंकले पुस २९ गते १२ औँ वार्षिक साधारण सभा आह्वान गरेको छ। बैंकले लाभांश वितरण तथा मर्जर/एक्वीजिशन प्रस्तावसहित साधारण सभा बोलाएको हो।
बैंकको साधारण सभा अमृतभोग, कालिकास्थानमा बिहान ११ बजे शुरु हुनेछ।
