गत भदौमा चिनियाँ नागरिकले नक्कली एटीएम कार्डबाट रकम चोरीको घटना पछि राष्ट्र बैंकले सीमा घटाएको थियो । अहिले फेरी पुरानै अवस्थामा लागिएको हो । राष्ट्र बैंकले बिहीबार जारी गरेको एकीकृत निर्देशनमा उक्त व्यवस्था छ । हालको व्यवस्था अनुसार अब एटीएम (डेविट कार्ड) कारोबारमा नागरिकले न्यूनतम् ५ सय, प्रतिकारोबार २५ हजार र प्रतिदिन बढिमा एक लाख रुपैयाँ निकाल्न पाउँछन् ।
यसअघि प्रति कारोबार २० हजार र प्रतिदिन अघिकतम् ६० हजार रुपैयाँसम्म निकाल्न पाउने व्यवस्था थियो । सम्भावित जोखिम न्यूनिकरणका लागि विगतमा एटीएमबाट रकम निकाल्न मिल्ने सिमा घटाइएकोमा अहिले पुरानै अवस्थामा ल्याइएको राष्ट्र बैंक भुक्तानी प्रणाली विभाग प्रमुख बमबहादुर मिश्रले बताए ।
