कामना सेवा विकास बैंक (KSBBL) ले अघिल्लो आर्थिक वर्षको कमाईबाट शेयरधनीहरुलाई वितरण गरेको बोनस शेयर नेपाल स्टक एक्सचेञ्जमा सूचीकृत भएको छ।
बैंकले आर्थिक वर्ष २०७४/०७५ को मुनाफाबाट ८ प्रतिशत नगद लाभांश र १.५ प्रतिशत बोनस शेयर गरि कूल ९.५० प्रतिशत लाभांश वितरण गरेको थियो।
२०७६ असार १४ गते सम्पन्न बैंकको बाह्रौं वार्षिक साधारण सभाबाट उक्त बोनस वितरण गर्ने प्रस्ताव अनुमोदन भएको थियो। साधारण सभा र लाभांश प्रयोजनका लागि बैंकले जेठ ३१ देखि बुकक्लोज गरेकाले जेठ ३० गतेसम्म नेप्सेमा कारोबार भई कायम रहेका लगानीकर्ताले मात्र यो बोनस पाउनेछन्।
बैंकले वितरण गरेको उक्त १.५ प्रतिशत अर्थात ३ लाख ७५ हजार ३९८ कित्ता बोनस शेयर दोस्रो बजारमा कारोबारको लागि सूचीकृत भएको हो।