अरुण भ्याली हाइड्रोपावर (AHPC) ले गत आर्थिक वर्षको कमाईबाट शेयरधनीहरुलार्ई वितरण गर्ने लाभांश प्रस्ताव गरेको छ।
हाइड्रोपावरको मंसिर २२ गते बसेको सञ्चालक समितिको बैठकले शेयरधनीहरुलाई चुक्ता पुँजीको ७ प्रतिशत बोनस शेयर र कर प्रयोजनको लागि ०.३७ प्रतिशत नगद लाभांश वितरण गर्ने प्रस्ताव गरेको हो।
प्रस्तावित लाभांश राष्ट्र बैंकको स्वीकृति र हाइड्रोपावरको बाईसौँ वार्षिक साधारण सभाबाट पारित भएपछि शेयरधनीहरुले पाउनेछन्।
अघिल्लो वर्ष १० प्रतिशत बोनस र कर प्रयोजनको लागि नगद समेत वितरण गरेको हाइड्रोपावरले गत आर्थिक वर्षको कमाइबाट भने लाभांश दर घटाएको हो।
हाइड्रोपावरले गत आर्थिक वर्षको चौथो त्रैमासमा ५ करोड ३२ लाख रुपैयाँ खुद नाफा कमाएको थियो।
हाल ९३ करोड ३० लाख रुपैयाँ चुक्ता पूँजी रहेको हाइड्रोपावरको बोनसपश्चात पूँजी ९९ करोड ३० लाख रुपैयाँ पुग्नेछ।
