हाल मोफसलमा रहेका डीपीका शाखाहरुबाट घरायसी तथा मृत्यु नामसारी गर्ने व्यवस्थाले सहज बनिरहेका बेला स्वयम् व्यक्तिगत नामसारी गर्न भने राजधानीस्थित सिडिएससीकै कार्यालय पुतलीसडक नै धाउनुपर्ने बाध्यता रहेको छ ।
एउटा डीपीबाट अर्को डीपीमा कुनै एक व्यक्तिको डिम्याटमा रहेको सेयर ट्रान्सफर गर्नुपर्दा सिडिएस एण्ड क्लियरिङ लिमिटेडमा नै स्वयम् उपस्थित हुनुपर्ने अनिवार्य प्रावधान छ । कुनै एक व्यक्तिको दुई फरक डीपीमा खोलिएका डिम्याट खातामा रहेका सेयर एउटैमा ल्याउन दुवै डीपीबाट डिम्याट खोलेको कन्फर्मेसन लेटर आवश्यक पर्छ ।
दुवै डिम्याट कुनै एक कम्पनीका बोनस सेयर फ्र्याक्सनमा आउँदा लगानीकर्तालाई घाटा पर्न सक्दछ भने दुईवटा डिम्याट हुँदा विभिन्न कम्पनीका हकप्रद सेयर आवेदन छुट्न सक्दछ ।
उसो त नेप्सेको अनलाइन प्रणालीमा पनि एउटा मात्र डिम्याट खाताको युसीसी जेनेरेट हुने भएकाले समेत धेरै डिम्याट खातामा सेयर लगानीकर्ताले राख्न रुचि नदेखाएका पाइन्छन् ।
