काठमाण्डौ । गुडविल फाइनान्स लिमिटेड (वित्तीय संस्था) ले चालु आर्थिक वर्षको प्रथम त्रैमासमा १६.४८ प्रतिशतले खुद नाफा बढाउन सफल भएको छ ।
प्रथम त्रैमास वित्तीय विवरणअनुसार समीक्षा अवधिमा संस्थाले १ करोड २१ लाख रुपैयाँ खुद नाफा आर्जन गरेको छ । गत वर्ष यही अवधिमा संस्थाले १ करोड ४ लाख रुपैयाँ खुद नाफा आर्जन गरेको थियो ।
संस्थाले समीक्षा अवधिमा सञ्चालन मुनाफा १ करोड ६९ लाख रुपैयाँ रहेको छ। गत वर्ष सञ्चालन मुनाफा १ करोड ४९ लाख रुपैयाँ रहेको थियो ।