तेह्रथुम पावरले आयोजना प्रभावित स्थानीय र सर्वसाधारणमा गरी १२ करोड रुपैयाँ बराबरको आईपीओ बिक्री गर्न नेपाल धितोपत्र बोर्डसँग अनुमति मागेको छ ।
कम्पनीले १ सय रुपैयाँ अंकित दरमा १२ करोड रुपैयाँ बराबरको १२ लाख कित्ता प्राथामिक शेयर जारी गर्न अनुमति मागेको हो ।
कुल १२ करोड कित्तामध्ये ४ करोड रुपैयाँ बराबरको ४ लाख कित्ता आयोजना प्रभावित स्थानीय र बाँकी ८ करोड रुपैयाँ बराबरको ८ लाख कित्ता सर्वसाधारणमा निष्काशन गरिने कम्पनीले जनाएको छ ।
बोर्डबाट अनुमति पाएपछि कम्पनीको आइपीओ निष्काशनको प्रकृया अघि बढ्नेछ ।
हाइड्रोपावरको आइपीओमा बिक्री प्रबन्धकको काम एनआइविएल एस क्यापिटल रहेको छ ।
हाइड्रोपावर कम्पनीले तेह्रथुम जिल्लाको अपर खोरुगां खोलामा साढे ७ मेगावट क्षमताको आयोजना निर्माण गरिरहेको छ ।
हाल कम्पनीको जारी पूँजी ४० करोड छ भने चुक्ता पूँजी २८ करोड रुपैयाँ छ । आइपीओ निष्काशनपश्चात कम्पनीको चुक्ता पूँजी ४० करोड रुपैयाँ पुग्नेछ।
