गरिमा विकास बैंक लिमिटेडद्वारा एकैसाथ तीन नवीनतम डिजिटल बैंकिड सेवा सार्वजनिक

नयाँ आर्थिक वर्ष २०८३/८४ को अवसरमा गरिमा विकास बैंक लिमिटेडले डिजिटल बैकिड सेवाको विस्तार तथा आपना ग्राहकलाई थप सहज, सुरक्षित र आधुनिक बैकिड प्रदान गर्ने उद्देश्यले आपनो डिजिटल इकोसिस्टममा एकैसाथ तीन नयाँ प्रविधिमा आधारित सेवा सार्वजनिक गरेको छ। विकास बैंकले गरिमा प्रिपेड डलर कार्ड (Garima Prepaid Dollar Card), गरिमा POS टर्मिनल (Garima POS Terminals) तथा गरिमा Interbank QR टेलर (Garima Interbank QR Teller) सेवाको औपचारिक शुभारम्भ गरेको छ।

गरिमा प्रिपेड डलर कार्ड मार्फत नेपाल राष्ट्र बैंकले तोकेको सीमा भित्र रही अन्तर्राष्ट्रिय वेबसाइट, मोबाइल एप तथा ई-कमर्स प्लेटफर्महरूमा अमेरिकी डलरमा सुरक्षित अनलाइन भुक्तानी गर्न सकिनेछ। त्यसैगरी, गरिमा POS टर्मिनल सेवामार्फत व्यवसायी तथा व्यापारीहरूले डेबिट, क्रेडिट तथा प्रिपेड कार्डमार्फत सुरक्षित, छिटो र भरपर्दो डिजिटल भुक्तानी प्राप्त गर्न सक्नेछन्। यस सेवाले नगदरहित कारोबारलाई प्रवर्द्धन गर्दै व्यापारिक कारोबारलाई अभ व्यवस्थित र प्रभावकारी बनाउने अपेक्षा गरिएको छ।

यसैगरी, गरिमा Interbank QR टेलर सेवा मार्फत फोनपे नेटवर्कमा आबद्ध अन्य कुनैपनि बैंक तथा वित्तीय संस्थाका ग्राहकहरुले मोबाईल एपबाट गरिमा Interbank QR स्क्यान गरि गरिमा विकास बैंकको जुनसुकै शाखबाट सहजरुपमा नगद प्राप्त गर्नसक्नेछन्।

डिजिटल रूपान्तरणलाई प्राथमिकतामा राख्दै आईरहेको गरिमा विकास बैंकले आफ्ना ग्राहकहरुलाई सुरक्षित, सरल, छरितो र गुणस्तरीय बैंकिड सेवा उपलब्ध गराउने लक्ष्यका साथ आगामी दिनमा पनि नवीनतम प्रविधिमा आधारित सेवाहरू विस्तार गर्दै जाने विश्वास व्यक्त गरेको छ।

ISO 9001:2015 र ISO 27001:2022 मान्यता प्राप्त यस विकास बैंकले देशभर १२६ शाखा कार्यालय, ५१ एटिएम एवं नविनतम डिजिटल ईकोसिस्टम मार्फत करिब ९ लाख ग्राहकहरुलाई सरल, सुरक्षित एवं गुणस्तरीय सेवा प्रदान गर्दै आईरहेको छ।