मूल्यवृद्धि र नेपाली मुद्रा कमजोर हुँदा लगातार दोस्रो महिना आयात २ खर्बमाथि

८ जेठ, काठमाडौं । चालु आर्थिक वर्षको पछिल्ला दुई महिना लगातार २ खर्बभन्दा बढीको वस्तु आयात भएको छ ।

खासगरी अन्तर्राष्ट्रिय बजारमा इन्धन मूल्य अत्यधिक वृद्धि हुनु र नेपाली मुद्रा कमजोर हुँदा त्यसको चाप अन्तर्राष्ट्रिय व्यापारमा परेको हो ।

शुक्रबारको तथ्यांक अनुसार अमेरिकी डलर १ बराबर १५४ रुपैयाँ बराबर छ । भन्सार विभागका अनुसार चैत र वैशाखमा लगातार २ खर्बमाथिको वस्तु आयात भएको छ । फागुनसम्म १२ खर्ब ८९ अर्ब २५ करोडको वस्तु आयात भएको थियो ।