भारतले चिनी निर्यात रोक्दा नेपालमा तरङ्ग, कृत्रिम मूल्यवृद्धिको जोखिम

४ जेठ, काठमाडौं । छिमेकी भारतले आन्तरिक बजार सन्तुलन मिलाउन भन्दै गत बुधबारदेखि लागु हुने गरी चिनी निर्यातमा पूर्ण प्रतिबन्ध लगाएपछि नेपाली बजारमा पनि त्यसको प्रत्यक्ष तरङ्ग देखिएको छ ।

‘एल निनो’ मौसम प्रणालीका कारण यस वर्ष उखु उत्पादनमा कमी आउने प्रक्षेपण गर्दै भारतले कच्चा तथा प्रशोधित सबै प्रकारका चिनी निर्यात तत्कालका लागि रोकेको हो ।