विगतमा राजनीतिक र आर्थिक संस्थाहरू कब्जा हुँदा देश संकटमा पुग्यो : अर्थमन्त्री

काठमाडौँ — अर्थमन्त्री स्वर्णिम वाग्लेले विगतमा केही व्यक्तिले राजनीतिक स‌ंस्थासँगै आर्थिक संस्थाहरू कब्जा गर्दा देश भड्खालोमा पुग्ने स्थिति सिर्जना भएको बताएका छन् । मंगलबार बसेको अर्थ समितिको बैठकमा उनले मुलुकलाई उक्त अवस्थामा पुग्न नदिन जेन-जी  आन्दोलनको हस्तक्षेपलाई धन्यवाद दिनुपर्ने समेत बताए ।

'सेयर बजार, पुँजी बजारलाई व्यावसायिक बनाउँछौं, विश्वस्तरिय पुँजी बजारको मापदण्डलाई पछ्याउने गरी काम गर्छौं,' उनले भने ।  उनले विगतमा केही व्यक्तिको कब्जामा गएको यथार्थलाई पनि स्वीकार गर्नुपर्ने बताए ।