धितोपत्र बोर्डको अध्यक्ष सिफारिस समितिको संयोजकबाट गुणाकर भट्टले दिए राजीनामा

काठमाडौं । नेपाल धितोपत्र बोर्ड (सेबोन) को अध्यक्ष नियुक्तिका लागि गठन गरिएको सिफारिस समितिबाट राष्ट्रिय योजना आयोगका उपाध्यक्ष गुणाकर भट्ट नबस्ने भएका छन् । स्वार्थ बाझिने देखिएपछि उनले राजीनामा बुझाएका हुन्। 

सरकारले उपाध्यक्ष भट्टको संयोजकत्वमा धितोपत्र बोर्ड अध्यक्ष सिफारिस समिति गठन गरेको थियो । समितिमा अर्थसचिव घनश्याम उपाध्याय र विज्ञ सदस्यका रूपमा भुवनकुमार दाहाल रहेका थिए।