समस्याग्रस्त सहकारी व्यवस्थापन समितिको कार्यालयले समस्याग्रस्त घोषित सहकारीहरूबाट ऋण लिएर नतिर्ने ऋणीहरूलाई तत्काल कर्जा चुक्ता गर्न सूचना जारी गरेको छ । समितिले मंगलबार सूचना जारी गर्दै ऋणीहरूलाई साँवा, ब्याज र हर्जानासहितको रकम समयमै भुक्तानी गर्न ताकेता गरेको हो।
सहकारी ऐन, २०७४ को दफा १०४ बमोजिम समस्याग्रस्त घोषित सहकारीहरूको सम्पत्ति व्यवस्थापन तथा दायित्व भुक्तानीको प्रक्रियालाई अगाडि बढाएको हो । बचतकर्ताको रकम फिर्ता गर्ने प्रयोजनका लागि ऋणीहरूबाट असुली हुनुपर्ने रकम संकलन गर्न अनिवार्य भएको समितिले बताएको छ ।
