काठमाडौँ । सगरमाथा आरोहण गर्ने आरोहीको संख्या र प्रत्येक आरोहीले बुझाउनुपर्ने सलामी दस्तुर (रोयल्टी) दुवै बढेपछि पहिलोपटक यस वर्षको वसन्त याममा आरोहीबाट उठेको रोयल्टी १ अर्ब रुपैयाँ नाघेको छ ।
पर्यटन विभागका अनुसार बिहीवारसम्ममा अनुमति जारीबापत १ अर्ब १ करोड २८ लाख रुपैयाँ रोयल्टी संकलन गरेको हो, जुन हालसम्मकै उच्च हो । विभागका अनुसार सगरमाथा चढ्न सन् २०२६ को मार्च १ देखि अप्रिल ३० (वैशाख १७)सम्ममा ४७ दलका ४६४ पर्वतारोहीले अनुमति लिएका छन् ।
