प्रसंग केही दिनअघिको हो। राइड सेयरिङ ‘पठाओ’मा घर फर्कंदै थिएँ। चालक वर्तमान सरकारप्रति त्यत्ति खुसी देखिएनन्। सरकारले अनावश्यक ऋण बोकाएको गुनासो उनको रहेछ। प्रश्न गरें– ‘कसरी ?’ उनले जवाफ दिए– ‘चैत २२ गते सरकारले झन्डै साढे २७ अर्ब लिने निर्णय गर्यो। पुरानाले त ऋण बोकाएकै थिए, नयाँले पनि बोकाए। त्यो ऋण हामीले नै त हो नि तिर्ने ?’ सोधें– ‘तपार्इँले यस्तो कुरा कसरी थाहा पाउनुभयो ?’ ‘फेसबुक हेर्नुस् न त्यहाँ सबै राखेको छ नि। यत्रो रकम किन लिएको होला, बेकारमा हामीलाई ऋण बोकाएर ?’ उनले आक्रोश मिश्रित धारणा व्यक्त गरे। यो प्रसंग आजका धेरै नेपालीको बुझाइको प्रतिनिधित्व गर्ने दृष्टान्त पनि हो।
