एपोलो हाइड्रोपावर लिमिटेडले सर्वसाधारणका लागि निष्कासन गरेको प्राथमिक शेयरमा लगानीकर्ताहरूको उल्लेख्य सहभागिता देखिएको छ। निष्कासन तथा बिक्री प्रबन्धक हिमालयन क्यापिटलका अनुसार अन्तिम दिनसम्म कम्पनीको आईपीओमा मागभन्दा झन्डै ४२ गुणा बढी आवेदन परेको छ।
कम्पनीले कुल ७ लाख ८० हजार २०० कित्ता शेयर सर्वसाधारणका लागि बिक्री खुला गरेकोमा २८ लाख ७५ हजार ३७२ जना आवेदकबाट कुल ३ करोड २७ लाख ३२ हजार ९३० कित्ताका लागि आवेदन परेको छ। यो माग गरिएको कुल कित्ताको तुलनामा ४१.९५ गुणा बढी हो। यस आवेदनमार्फत कुल ३ अर्ब २७ करोड ३२ लाख ९३ हजार रुपैयाँ संकलन भएको छ।
