तेहरान । विश्व बजारमा कच्चा तेलको मूल्य लगातार बढिरहेको छ । विश्वको प्रमुख इन्धन ढुवानी मार्ग स्ट्रेट अफ होर्मुज प्रभावकारी रूपमा बन्दजस्तै भएपछि बजारमा आपूर्तिबारे अनिश्चितता बढेको छ ।
विश्व तेल बजारको प्रमुख सूचक मानिने ब्रेन्ट क्रुडको भाउ आइतबार करिब ३ प्रतिशतसम्म बढेर प्रति ब्यारेल १०६ डलरसम्म पुगेको थियो । सोमबार बिहान भने यो केही घट्दै प्रति ब्यारेल १०४ डलर ६३ सेन्टमा कारोबार भइरहेको थियो । यो अघिल्लो दिन बजार बन्द हुँदाको तुलनामा झण्डै १ दशमलव ५ प्रतिशतले बढी हो ।
