नयाँ दिल्ली । मध्यपूर्वमा जारी सैन्य तनावका कारण भारतमा खाना पकाउने एलपीजी ग्यासको गम्भीर सङ्कट उत्पन्न भएको छ। इरान र इजरायल-अमेरिकाबिचको बढ्दो द्वन्द्वले ग्यास आपूर्ति गर्ने समुद्री मार्ग अवरुद्ध भएपछि भारतका १० वटा ठुला राज्यहरूमा व्यावसायिक ग्यासको आपूर्तिमा पूर्ण रोक लगाइएको हो।
यस निर्णयले मध्य प्रदेश, महाराष्ट्र, राजस्थान, पन्जाब, हरियाणा र दक्षिण भारतीय राज्यहरू तेलंगाना तथा आन्ध्र प्रदेशका लाखौँ होटल, रेस्टुरेन्ट र उद्योगहरू बन्द हुने अवस्थामा पुगेका छन्। ग्यास अभावको प्रत्यक्ष असर सर्वसाधारणको भान्सामा समेत पर्न थालेको छ।
