काठमाडौँ । राष्ट्रिय उपभोक्ता मञ्चका अध्यक्ष प्रेमलाल महर्जनले लङ ग्रेन बासमती चामलको आयातमा अर्बौं रुपैयाँको कर छली र कालोबजारी भइरहेको गम्भीर आरोप लगाएका छन् । आइतबार प्रेस ब्रिफिङ गर्दै उनले नेपालमा नक्कली उद्योग खडा गरी राज्यलाई प्राप्त हुने राजस्व गुम्ने गरी भारतबाट चामल आयात भइरहेको खुलासा गरेका हुन् ।
महर्जनका अनुसार लङ ग्रेन चामलको कारोबारमा ३६ जना ठुला र १२५ जना साना व्यापारीहरूको संलग्नता छ । ‘एकजना व्यापारीले मात्रै वार्षिक ५०० करोड (५ अर्ब) रुपैयाँ बराबरको चामल आयात र कारोबार गरिरहेका छन्,’ उनले भने । ९९.९ प्रतिशत यस्तो चामल भारतबाट आयात हुने गरेको छ ।
