काठमाडौं । बैंक तथा वित्तीय संस्थाहरू यतिबेला चालु आर्थिक वर्षको दोस्रो त्रैमासको अन्तिम चरणमा छन् । पुस मसान्त नजिकिँदै गर्दा बैंकिङ क्षेत्र सधैंझैं कर्जा असुली, लेखा मिलान, जोखिम व्यवस्थापन र वित्तीय विवरण तयारीको चटारोमा देखिन्छ ।
त्रैमासिक रूपमा वित्तीय विवरण सार्वजनिक गर्नुपर्ने कानुनी व्यवस्थाका कारण यो समय बैंकहरूको लागि दबाबपूर्ण हुन्छ । यही विवरणले बैंकको नाफा–नोक्सान, कर्जा गुणस्तर, खराब कर्जा अनुपात (एनपीएल) तथा समग्र वित्तीय स्वास्थ्यको अवस्था देखिने भएकाले व्यवस्थापनदेखि कर्मचारीसम्म थप जिम्मेवार बन्नुपर्छ ।
