सिन्धुपाल्चोक — चीनको न्यालम र खासा क्षेत्रको सीमावर्ती वन क्षेत्रमा गएराति भीषण आगलागी भएपछि सोमबारदेखि नेपाल–चीन उत्तरी व्यापारिक नाका तातोपानी पूर्ण रुपमा बन्द छ।
सिन्धुपाल्चोकका प्रमुख जिल्ला अधिकारी रामकृष्ण अधिकारीकाअनुसार न्यालम र खासाको मध्यभागसहित छोबिन क्षेत्रमा आइतबार राति सुरु भएको आगलागी नियन्त्रणमा नआउँदा सोमबारबाट चिनियाँ प्रशासनले नाका सञ्चालन गर्ने अवस्था नरहेको जानकारी दिएको हो।
