काठमाडौँ । कात्तिकमा २५ वर्ष यताकै न्यून अवस्थामा रहेको मूल्यवृद्धि दर मंसिरदेखि बढ्न थालेको छ । नेपाल राष्ट्र बैंकको तथ्यांकअनुसार मंसिरमा बढेर १.६३ प्रतिशत पुगेको हो ।
यसअघि कात्तिक महिनामा यस्तो मूल्यवृद्धि दर १.११ प्रतिशत थियो, जसअनुसार एकै महिनामा मूल्यवृद्धि दर ०.५२ प्रतिशत विन्दुले बढेको पाइएको छ ।
केही समयदेखि देशमा मूल्यवृद्धिदर घट्दो क्रममा थियो । कात्तिकको मूल्यवृद्धि दर २०५७/५८ सालपछिकै सबैभन्दा कम थियो, तर मंसिरमा बढेको हो ।
