काठमाडौं । सरकारले भूउपयोग नियमावली, २०७९ लाई संशोधन गर्दै भूउपयोग (तेस्रो संशोधन) नियमावली, २०८२ जारी गरेको छ । भूमि व्यवस्था, सहकारी तथा गरिबी निवारण मन्त्रालयद्वारा नेपाल राजपत्रमा प्रकाशित सूचना अनुसार, यस संशोधनमा बाँझो जमिनलाई उपयोगमा ल्याउन ‘भूमि बैंक’ को अवधारणा ल्याएको छ ।
त्यस्तै, आवासीय तथा व्यावसायिक क्षेत्रमा हुने कित्ताकाटलाई नियमन गर्न न्यूनतम क्षेत्रफल तोकिदिएको छ । सरकारले जारी गरेको नियमावलीले जग्गाको कित्ताकाट, वर्गीकरण र उपयोगमा समेत संशोधन गरेको छ ।
भूउपयोग (तेस्रो संशोधन) नियमावली संशोधन गरी आवासीय तथा व्यावसायिक जग्गाको कित्ताकाट र लामो समयदेखि बाँझो रहेका जमिनलाई उत्पादनमा जोड्ने ‘भूमि बैंक’ सम्बन्धी नयाँ नियमहरू कार्यान्वयनमा ल्याएको हो।
