कर्मचारी आन्दोलनका कारण ४४ दिनदेखि सेवोनको सेवा ठप्प, रोकियो ९९ कम्पनीको ८० अर्बको निष्कासन

पछिल्लो ४४ दिनदेखि नेपाल धितोपत्र बोर्डमा कर्मचारीको आन्दोलनका काराण्ले गर्दा कुनै पनि काम हुन सकेको छैन । बोर्डका कर्मचारीहरुले सेवा सुविधाको विषयलाई लिएर निरन्तर रुपमा आफ्नो आन्दोलन जारी राख्दा दैनिक काम नै ठप्प भएको अवस्था छ । 

कर्मचारीहरुले आफ्नो माग पुरा नहुँदासम्मका लागि आन्दोलन जारी रहने बताएका छन् । कर्मचारीको आन्दोलनको प्रभाव धितोपत्र निष्कासनमा समेत परेको छ । बोर्डले पछिल्लो २ महिना भन्दा बढी समयदेखि कुनै पनि कम्पनीलाई प्राथमिक निष्कासन स्वीकृत हुन सकेको छैन । पछिलो पटक बोर्डले भदौको १८ गते “एनएमबि सरल बचत फण्ड इ” को निष्कासन स्वीकृत गरेको थियो । त्यस यता बोर्डबाट कुनै पनि सार्वजनिक निष्कासनले निष्कासन अनुमति पाएका छैनन् ।