अमेरिकी फेडरल रिजर्भले बुधवार संघीय कोष ब्याजदरको लक्ष्य दायरा २५ आधार बिन्दुले घटाएर ३.७५ देखि ४ प्रतिशतमा पु¥याउने निर्णय गरेको छ ।
जुन यस वर्ष दोस्रो दर कटौती हो । उपलब्ध सूचकहरूले आर्थिक गतिविधि मध्यम गतिमा विस्तार भइरहेको, यस वर्ष रोजगारी वृद्धि सुस्त भएको र बेरोजगारी दर बढेको तर अगस्टसम्म कम रहेको सुझाव दिन्छ । संघीय खुला बजार समितिले नीति बैठक पछि एक विज्ञप्तिमा भनेको छ । संघीय रिजर्भ प्रणालीको प्रमुख मौद्रिक नीति निर्माण निकायले लामो समयसम्म २ प्रतिशतको दरमा अधिकतम रोजगारी र मुद्रास्फीति हासिल गर्न खोजेको बताएको छ । अक्टोबर १ मा शुरु भएको संघीय सरकारको बन्दका कारण फेडले भरपर्दो आर्थिक डेटाको अभावसँग संघर्ष गरिरहेको बेला दर कटौती आएको हो ।
