काठमाण्डौ । आईसीएफसी फाइनान्स लिमिटेडले आर्थिक वर्ष २०७५/७६ मा अघिल्लो वर्षको तुलनामा खुद नाफामा ४१.३३ प्रतिशतले वृद्धि गर्न सफल भएको छ ।
चौथो त्रैमासको वित्तीय विवरणअनुसार संस्थाले आर्थिक वर्ष २०७५/७६ मा १३ करोड ८९ लाख रुपैयाँ खुद नाफा आर्जन गरेको छ। संस्थाले अघिल्लो वर्षको तुलनामा खुद नाफामा ४ करोड ६ लाख रुपैयाँ बढी कमाउन सफल भएको हो । अघिल्लो वर्षको सोही अवधिमा संस्थाले ९ करोड ८३ लाख रुपैयाँ खुद नाफा आर्जन गरेको थियो ।
समीक्षा अवधिमा संस्थाले खुद ब्याज आम्दानी ३५ करोड ४६ लाख रुपैयाँ आर्जन गर्न सफल भएको छ । जुन अघिल्लो वर्ष २७ करोड २३ लाख रुपैयाँमा सीमित थियो । यसले संस्थाको व्यवसाय विस्तारले आक्रामक गति लिएको देखाउँछ ।