काठमाडौं : नेपालमा सार्वजनिक सम्पत्ति बिमा गर्ने विषय वर्षौंदेखि उठाइँदै आएको भए पनि नीति तहमा त्यसलाई कार्यान्वयन नगरेका कारण अहिले राज्यले ठूलो क्षति बेहोर्नुपरेको छ । भदौ २३ र २४ गते जेनजी पुस्ताले सामाजिक सञ्जाल बन्द र भ्रष्टाचारविरुद्ध गरेको आन्दोलनमा धेरैले ज्यान गुमाउनुका साथै हजारौंको संख्यामा घाइते भए । यसको आक्रोशमा प्रदर्शनकारीले निजी व्यावसायिक प्रतिष्ठानसँगै दर्जनौं सरकारी कार्यालय जलाए ।
