काठमाडौं : सरकारले निष्क्रिय बनाउने निर्णय गरेपछि अमेरिकी धनाढ्य एलन मस्कको कम्पनी ट्वीटर (एक्स) सम्पर्कमा आएको छ। एक्स कम्पनीले सञ्चार तथा सूचना प्रविधि मन्त्रालयमा सूची दर्ताका लागि सम्पर्क गरेको हो।
मन्त्रालयका प्रवक्ता गजेन्द्र कुमार ठाकुरका अनुसार शुक्रबार एक्स कम्पनी आधिकारिक रूपमा सरकारको सम्पर्कमा आएको हो। 'एक्सले सूची दर्ताका लागि आवश्यक कागजात माग गर्यो। हामीले उहाँहरूलाई आवश्यक प्रक्रिया र कागजातका विषयमा जानकारी गराएका छौं,' अन्नपूर्णसँग उनले भने।
