काठमाडौं । सूचना प्रविधि प्रणालीको खरिद तथा मर्मत र सेवा खरिदमा आर्थिक अनियमितताका उजुरी बढेपछि अख्तियार दुरुपयोग अनुसन्धान आयोगले सूक्ष्म तथा विस्तृत अनुसन्धान थालेको छ ।
सरकारले प्रविधिमैत्री सेवा तथा सुशासन कायम गर्ने नीति लिएसँगै सूचना प्रविधि प्रणालीको खरिद तथा मर्मत सेवामा अनियमितताको उजुरी बढेको हो ।
अख्तियारले थाल्यो सूक्ष्म अनुसन्धान
सूचना प्रविधि प्रणाली व्यवस्थापनमा सरकारले उच्च प्राथमिकता दिएसँगै संघीय, प्रादेशिक तथा स्थानीय सरकारअन्तर्गतका विभिन्न कार्यालय तथा निकायमा सफ्टवेयर खरिद तथा मर्मत सेवाका नाममा अनियमितता बढेको उजुरी निरन्तर बढिरहेको अख्तियार दुरुपयोग अनुसन्धान आयोग स्रोतले जानकारी दिएको छ ।
