कुखुराको अण्डा उत्पादन गर्ने किसान ले लागत मूल्य पाउन थालेका छन्। उत्पादन गरेको अण्डाले लागत मूल्यसमेत नपाएपछि सयौं कुखुरापालक किसान पेशाबाट विस्थापित भएका थिए।
गत साउन ६ गतेदेखि किसानहरूले लागत मूल्य पाउन थालेको नेपाल लेयर्स कुखुरापालक संघका अध्यक्ष विनोद पोखरेलले जानकारी दिए। संघले साउन ६ गते ठूलो अण्डाको मूल्य प्रतिक्रेट ५ सय २५ रुपैयाँ तोकेको थियो। भदौ १२ गतेदेखि प्रतिक्रेट मूल्य ५ सय ४५ रुपैयाँ पुगेको छ। बजारमा अहिले अण्डाको मूल्य प्रतिगोटा २३ रुपैयाँ छ। किसानले प्रतिगोटा १८ रुपैयाँ पाउन थालेका छन्।
