उपप्रधान तथा अर्थमन्त्री विष्णुप्रसाद पौडेलले योजनाबद्ध विकास सफल बनाउन आवश्यकताअनुसार स्रोत परिचालन गर्नु जरुरी रहेको बताएका छन्। काठमाडौंमा पूर्व योजनाकार मञ्च नेपालले आयोजना गरेको ‘नेपाललाई अल्पविकसितबाट विकासशील मुलुकमा स्तरोन्नति र बजेट कार्यान्वयनमा चुनौती’ विषयक सार्वजनिक नीति बहस कार्यक्रममा बोल्दै उनले विकासका प्राथमिकता र आवश्यकता अनुसार स्रोत व्यवस्थापन हुनुपर्नेमा जोड दिए।
