काठमाडौँ । कवाड व्यवसायी समाज नेपाल विभिन्न ५ बुँदे माग राख्दै आन्दोलनमा उत्रिएको छ । सोमबार राजधानीमा पत्रकार सम्मेलन गर्दै उनीहरुले आफूहरूको माग पूरा नभएसम्म आन्दोलन जारी राख्ने बताए ।
संविधानले दिएको पेशा व्यवसाय गर्न पाउने हक अधिकारको ग्यारेन्टी गर्नुपर्ने, कवाड व्यवसायी, संकलक र मजदुरमाथि काठमाडौँ महानगरबाट भइरहेको कुटपिट, अपहरण, ज्यादती, र संरचना भत्काउने कार्यहरू तत्काल रोकिनुपर्ने, ज्यादतीमा संलग्न काठमाडौँ महानगर प्रहरीलाई कानुनी कारबाही गर्नुपर्ने उनीहरूको माग छ ।
