काठमाडौं : गत आर्थिक वर्ष ०८१/०८२ मा अर्थतन्त्रका सूचकमा सुधार देखिएका छन् । नेपाल राष्ट्र बैंकले सार्वजनिक गरेको आर्थिक वर्ष २०८१/८२ को अर्थतन्त्रका मुख्य सूचकांकहरूले कोभिडपछि थलिएको अर्थतन्त्र लयमा फर्कंदै गरेको देखाएका छन । रेमिट्यान्स ह्वात्तै बढेको छ ।
महँगी सीमाभित्र राख्न सफल भएको, शोधनान्तर र चालु खाता निरन्तर बचतमा रहेको सूचकहरूले देखाएका छन् । गत आव निर्यात वृद्धिदरमा ऐतिहासिक फड्को मारेको पनि राष्ट्र बैंकले जनाएको छ । विदेशी विनिमय सञ्चितिको आकार फराकिलो हुँदैगर्दा आयात धान्ने वस्तु तथा सेवाको स्थितिमा निकै सुदृढ देखिएको छ ।
