काठमाडौँ । मितेरी सहकारी ठगी प्रकरणका तीन अभियुक्तको बयान र थुनछेक बहस आज छैटौँ दिन पनि जारी रहेको छ । पूर्वमन्त्री एवं कांग्रेस उपसभापति धनराज गुरुङकी पूर्वपत्नी ज्योती गुरुङ जोडिएको सहकारी ठगीको यो मुद्दामा आज एक जना प्रतिवादीको बयान सकिएपछि थुनछेक बहस हुनेछ ।
ललितपुर जिल्ला अदालतमा न्यायाधीश निर्मला योङयाको इजलासमा यस मुद्दाको सुनुवाइ चलिरहेको छ। भदौ १ गते जिल्ला अदालतमा दर्ता भएको मुद्दामा २ गतेदेखि बयान सुरु भएको हो । एक जना प्रतिवादीले बयानमा दुई दिनसम्म समय लिएपछि यो मुद्दा हेर्दाहेर्दैमा राखिएको छ । दुई जनाको बयान सकिएकाले आज १ जनाको मात्रै बयान बाँकी छ ।
